സംസ്ഥാന സ്കൂള് കലോത്സവ വേദി മാറ്റി. തിരൂരങ്ങാടിയില്‍ നിന്നും
മലപ്പുറത്തേക്കാണ് വേദി മാറ്റിയത്. നേരത്തെ കലോത്സവത്തിന്
വിദ്യാഭ്യാസമന്ത്രിയുടെ മണ്ഡലമായ തിരൂരങ്ങാടി വേദിയാക്കിയതില്‍ വന്‍
പ്രതിഷേധം ഉയര്‍ന്നിരുന്നു. കലോത്സവം നടത്താനുള്ള സൌകര്യം തിരൂരങ്ങാടിയില്‍
ഇല്ലെന്നായിരുന്നു പ്രതിഷേധക്കാരുടെ വാദം
.
അധ്യാപക സംഘടനകളും വേദി മാറ്റണമെന്ന് ആവശ്യപ്പെട്ടിരുന്നു. ഒക്ടോബര്‍
മൂന്നിന് തിരുവനന്തപുരത്ത് വിദ്യാഭ്യാസമന്ത്രിയുടെ സാന്നിധ്യത്തില്‍
ചേര്‍ന്ന യോഗമാണ് കലോത്സവം തിരൂരങ്ങാടിയില്‍ നടത്താന്‍ തീരുമാനിച്ചത്. 217
ഇനങ്ങളിലായി 10,000 ഓളം കുട്ടികള്‍ പങ്കെടുക്കുന്ന കലോത്സവത്തിന് 17
വേദികളാണ് വേണ്ടത്. ജനുവരി
14 മുതല്‍ 20 വരെയാണ്‌ ഏഷ്യയിലെ ഏറ്റവും വലിയ കലാമേളയായ സംസ്ഥാന സ്കൂള്
കലോത്സവം നടക്കുന്നത്‌
